وه‌زاره‌تا باژێڕڤانیان گوژمه‌كێ پاره‌ی بۆ كه‌رتێ ئاڤا دهۆكێ مه‌زاخت
ئه‌ڤرۆ:
وه‌زاره‌تا باژێرڤانیان و گه‌شت و گوزارێ یا حوكمه‌تا هه‌رێما كوردستانێ راگه‌هاند، ب مه‌ره‌ما گرنگیدانا زێده‌تر ب كه‌رتێ ئاڤێ نێزیكی 90 ملیۆن دیناران بۆ بجهئینانا پێنج پرۆژێن تایبه‌ت ب ئاڤێ ڤه ل سنوورێ قه‌زا سێمێل، فه‌یدیێ، شێخان و ئامێدیێ ل پارێزگه‌ها دهۆكێ هاتنه مه‌زاختن.
ل دووڤ راگه‌هاندنا وه‌زاره‌تا باژێرڤانیان و گه‌شت و گوزارێ، ل سه‌ر رێژا 17% یا داهاتێ ئاڤێ بڕیار هاتیه‌دان ب مه‌زاختنا 89 ملیۆن 111 هزار 191 دیناران، بۆ بجهئینانا پێنج پرۆژێن خزمه‌تگوزاری و كه‌رتێ ئاڤێ ل سنوورێ رێڤه‌به‌ریا ئاڤا ده‌وروبه‌رێن دهۆكێ، ئه‌و گوژمه دێ ل گوره‌ی یاسا و رێنمایێن دارایی هێته مه‌زاختن.
