وه‌زاره‌تا به‌رەڤانیا عێراقێ:وەزیری نە گۆتیە بۆ ریفراندۆمێ دێ سۆپایی کاردانەڤە هەبیت
ئەڤرۆ نیۆز،زنار تۆڤی:
وه‌زاره‌تا بەرەڤانیا عێراقێ ره‌ت دکەت،کو وه‌زیرێ بەرەڤانیا عێراقێ ل تەهرانا پایتەختێ ئیرانێ لێدوان ل دژی كوردستانێ دابیت و گۆت بیت،هەکە ریفراندۆم بهێتە ئه‌نجامدان،دێ سۆپایێ عێراقێ كاردانەڤە هەبیت.
وه‌زاره‌تا به‌رەڤانیا عێراقێ،د راگەهاندنەکێ دا،كو ئێڤاریا ئه‌ڤرۆ ئێکشەمبیێ( 23/ 7/ 2017) بەلاڤکریە و تێدا هاتیە: ئەم وی نووچەیی ره‌ت دكه‌ین،یێن کو ل مالپەرێن ئنته‌رنێتێ ل سه‌ر زارێ (عرفان حیالى) وه‌زیرێ به‌رەڤانیا عێراقێ هاتیە بەلاڤکرن،کو په‌یوه‌ندی ب كاردانه‌ڤەیا سوپای هه‌یه ب ئه‌گه‌رێ راگه‌هاندنا ده‌ولەتا كوردستانێ.
هه‌روه‌سا د وێ راگەهاندنێ دا هاتییه: وه‌زارتا مە دوپات دكەتەڤه،کو ئه‌ڤ نووچەیە یێ راست نینه و ب هیچ شێوه‌یه‌كێ وه‌زیرێ به‌رەڤانیێ لێدوانێن ب ڤی شێوەی نەداینە.
هەروەسا گۆتیە، وه‌زاره‌تا بەرەڤانیێ دێ رێكارێن یاسایی به‌رامبه‌ر وان لایه‌نان گریته‌به‌ر،کو لێدوانێن نەراست ب ناڤێ وه‌زیری، یان فه‌رمانده و ئه‌فسه‌ران بەلاڤە دکەن.