وه‌زاره‌تا دارایی بڕیاره‌كێ ل دۆر دو مووچه‌یێ دده‌ت
ئه‌ڤرۆ:
وه‌زاره‌تا دارایی و ئابووری یا حوكمه‌تا هه‌رێما كوردستانێ بڕیاره‌كێ ل دۆر وان كه‌سێن دو مووچان وه‌ردگرن ده‌رئێخست و تێدا هاتیه: ئه‌و كه‌سێن پشتی 1/7/2020 ژ مووچه‌كی زێده‌تر وه‌رگرتین، ئه‌و پاره دێ ژێ هێته وه‌رگرتن.
وه‌زاره‌تا دارایی و ئابووری د نڤیساره‌كێ دا كو ئیمزا ئاوات جه‌ناب نوری، وه‌زیرێ دارایی و ئابووری ل سه‌ره و ل دۆر دو مووچه‌یێ ئاراسته‌ی هه‌موو وه‌زاره‌ت و فه‌رمانگه‌هێن نه‌گرێدای وه‌زاره‌تان كریه و تێدا هاتیه: “ئه‌و كه‌سێن به‌ری 1/7/2020 ژ مووچه‌كی زێده‌تر وه‌رگرتین، ل دووڤ قانوونا چاكسازیێ چو بڕه پاره‌یه‌ك ژێ ناهێته وه‌رگرتن”.
دیسا د نڤیسارا وه‌زاره‌تا دارایی دا هاتیه: “ئه‌و كه‌سێن پشتی 1/7/2020 ژ مووچه‌كی زێده‌تر وه‌رگرتین، ئه‌و پاره دێ ژێ هێته وه‌رگرتن و ب تنێ وی مووچه‌ی دێ وه‌رگریت؛ یێ بۆ خوه هه‌لبژارتی. هه‌ر بڕه پاره‌ك ژی به‌ری ڤێ رێكه‌فتێ ژێ هاتبیته وه‌رگرتن دێ بۆ هێته ڤه‌گه‌ڕاندن”.
