وه‌زاره‌تا دارایی رێنمایێن نوو بۆ خانه‌نشینێن پێشمه‌رگه‌ی ده‌رئێخستن
ئه‌ڤرۆ:
رێڤه‌به‌ریا خانه‌نشینێن پێشمه‌رگه‌ی یا سه‌ر ب وه‌زاره‌تا دارایی ڤه ل دۆر به‌لاڤكرنا مووچێ خانه‌نشینێن پێشمه‌رگه‌ی، ب نڤیساره‌كێ بانكان ئاگه‌هدار دكه‌ت كو ل دووڤ رێنمایێن نوو مووچه‌ی به‌لاڤ بكه‌ن.
ل دۆر رێنمایێن نوو نڤیسارێ ئاماژه ب هندێ كریه كو ده‌مێ وه‌رگرتنا مووچه‌ی پێدڤیه هه‌ر خانه‌نشینه‌ك یان میراتگره‌ك ب كه‌سایه‌تیا خوه ئاماده بن، ده‌رباره‌ی ئه‌وێن ل ده‌رڤه‌ی وه‌لاتی دژین پێدڤیه بریاكارنامه‌یێ بینن و یا سالا 2022 بیت.
هه‌روه‌سا لیسته‌كا دی یا ناڤان ژی ئه‌ڤێ رێڤه‌به‌ریێ بۆ بانكان هنارتیه و تێدا دیار كریه كو دڤێت به‌لێنا دانووسی دگه‌ل خوه دا بینن هه‌تا پاره بۆ بهێته مه‌زاختن، هه‌روه‌سا دڤێت خانه‌نشینێن زیندی یێن پێشمه‌رگه‌ی فورما ده‌رماله‌یان دروست بكه‌ن.
