وه‌زاره‌تا ساخله‌ميێ ئامارا تووشبوويێن ئايدزێ ل هه‌رێما كوردستانێ راگه‌هاند
ئه‌ڤرۆ نيوز:
وه‌زاره‌تا ساخله‌ميێ ل حوكمه‌تا هه‌رێما كوردستانێ نووترين ئامارا تووشبوويێن نه‌خۆشيا ئايدزێ ل هه‌رێما كوردستانێ راگه‌هاند.
وه‌زارتا ساخله‌ميێ د ئاماره‌كێ دا راگه‌هاند: ژمارا تووشبوويێن نه‌خۆشيا ئايدزێ ل سالا 2015ێ هه‌تا نوكه گه‌هشتيه چار حاله‌تان و ب ڤێ چه‌ندێ ژى ژمارا تووشبوويێن ڤايرۆسێ (HIV) ل هەرێما کوردستانێ گەهشتە24 تووشبوويان.
وه‌زاره‌تا ساخله‌ميێ ئاماژه ب وێ چه‌ندێ ژى كر كو هه‌موو ئه‌و كه‌سێن ل هه‌رێما كوردستانێ تووشى ڤى ڤايرۆسى بووين هه‌تا نوكه يێن ماينه ساخ و ل ژێر چاڤدێرى و كۆنترۆلى دانه.
ئه‌ڤ ڤايرۆسه پتريا جاران ژ په‌يوه‌نديا سكسى يا نه‌يا شه‌رعى و چوونا ژ پشتى ڤه په‌يدا دبيت و گه‌له‌ك ب ساناهى ژى دهێته ڤه‌گوهاستن.
نه‌خۆشيا ئايدزێ دبيته ئه‌گه‌رێ كێميا به‌ره‌ڤانيا له‌شى مرۆڤى به‌رامبه‌ر ڤايرۆسێ (Human immunodeficiency virus) كورتكريێ ناڤێ (HIV) ئاماژه بۆ دهێته كرن و ب مه‌ترسيترين نه‌خۆشى ل سه‌ر ئاستێ جيهانێ دهێته هژمارتن كو هه‌تا نوكه ده‌رمانێن وێ نه‌هاتينه ديتن.
