وه‌زاره‌تا شه‌هید و ئه‌نفالكریان: به‌رده‌وام دێ‌ بزاڤان بۆ قه‌ره‌بووكرنا قوربانیێن ده‌ستێ رژێما به‌رێ یا ئیراقێ كه‌ین

ئه‌ڤرۆ:

وه‌زاره‌تا كاروبارێن شه‌هید و ئه‌نفالكریان یا حكومه‌تا هه‌رێما كوردستانێ دیار كر، ئه‌و دێ‌ به‌رده‌وام بزاڤان كه‌ن، كو زیاندار و كه‌سوكارێن قوربانیێن تاوانێن رژێما به‌رێ یا ئیراقێ بهێنه‌ قه‌ره‌بووكرن.

وه‌زاره‌تا كاروبارێن شه‌هید و ئه‌نفالكریان یا حكومه‌تا هه‌رێما كوردستانێ ب هه‌لكه‌فتا ده‌ربازبوونا 48 سالان ل سه‌ر بوردۆمانكرنا باژێركێ قه‌لادزێ ژ لایێ رژێما به‌رێ یا ئیراقێ ڤه‌، كو ژ ئه‌گه‌رێ وێ 123 وه‌لاتیێن سڤیل و مامۆستا و قوتابی بوونه‌ قوربانی به‌یاننامه‌ك به‌لاڤكر و تێدا هاتیه‌: بزاڤێن مه‌ دێ‌ د به‌رده‌وام بن بۆ دانه‌نیاسینا ب جینۆسایدكرنا تاوانێن رژێما به‌رێ یا ئیراقێ.

وه‌زاره‌تا كاروبارێن شه‌هید و ئه‌نفالكریان د وێ‌ به‌یاننامێ‌ دا ئاشكرا ژی كریه‌ كو دێ‌ به‌رده‌وام بزاڤان كه‌ن، هه‌تا هه‌موو زیاندار و كه‌سوكارێن قوربانیێن تاوانێن رژێما به‌رێ یا ئیراقێ بهێنه‌ قه‌ره‌بووكرن، دیسا به‌رده‌وام بزاڤان كه‌ن بۆ دانه‌نیاسینا ب جینۆسایدكرنا تاوانێن رژێما به‌رێ یا ئیراقێ.

کۆمێنتا تە