وه‌زاره‌تا كاره‌بێ: ئه‌ڤ ساله گرێدانا پیڤه‌رێن زیره‌ك دێ ب دووماهی هێت
ئه‌ڤرۆ:
وه‌زاره‌تا كاره‌با حوكمه‌تا هه‌رێما كوردستانێ دیار كر، ژ ملیۆنه‌ك و 500 هزار پشكدارێن كاره‌بێ، هه‌تا نوكه ملیۆن پیڤه‌رێن زیره‌كێن كاره‌بێ هاتینه گرێدان.
وه‌زاره‌تا كاره‌بێ ئاشكرا ژی كریه كو ئه‌ڤ ساله قووناغا گرێدانا پیڤه‌رێن زیره‌كێن كاره‌بێ دێ ب دووماهی هێت و سالا داهاتی ژی قووناغا دویێ بۆ خواندنێ و گرێدانێ ب سیسته‌می ڤه هه‌موو دێ ته‌مام بیت و بریكارێ وه‌زاره‌تێ ژی دبێژیت: پیڤه‌رێن زیره‌ك هه‌ڤبه‌ركرن دگه‌ل پیڤه‌رێن كه‌ڤن گه‌له‌ك باشترن.
كامل قه‌زاز، بریكارێ وه‌زاره‌تا كاره‌با هه‌رێما كوردستانێ ل دۆر هه‌ژمارا ئه‌وان پیڤه‌رێن كاره‌بێ یێن هه‌تا نوكه هاتینه گرێدان روهنكرنه‌كێ دده‌ت و دبێژیت: ژ سه‌رجه‌مێ ملیۆنه‌ك و 500 هزار پشكدارێن كاره‌بێ، هه‌تا نوكه ملیۆنه‌ك پیڤه‌رێن زیره‌ك هاتینه گرێدان و ژ وێ هه‌ژمارێ ژی نێزیكی 300 هزار پیڤه‌ر نوكه كه‌فتینه د كاری دا و پسۆلا كرێیا كاره‌بێ ل دووڤ پیڤه‌رێ نوو بۆ وه‌لاتیان دهێت.
