وه‌زاره‌تا كاره‌بێ به‌رسڤا ره‌خنه و داخوازیێن وه‌لاتیان دده‌ت
ئه‌ڤرۆ:
وه‌زاره‌تا كاره‌بێ ب رێیا خزمه‌تگوزاریا سیسته‌مێ ئۆنلاین و په‌یوه‌ندیێن ته‌له‌فۆنی رۆژانه به‌رسڤا ره‌خنه و داخوازییێن وه‌لاتیان دده‌ت.
وه‌زاره‌تا كاره‌بێ یا حكومه‌تا هه‌رێما كوردستانێ دا دیاركرن كو وه‌زاره‌تێ ژ هه‌یڤا ئێك یا سالا 2021 هه‌تا هه‌یڤا دو یا ئه‌ڤ ساله، ب رێیا خزمه‌تگوزاریا سیسته‌مێ ئۆنلاین و په‌یوه‌ندیێن ته‌له‌فۆنی به‌رسڤا 122 سكالا و داخوازیێن وه‌لاتیان دایه.
وه‌زاره‌تا كاره‌بێ دیار ژی كریه كو ب ده‌هان سكالایێن وه‌لاتیان ل دۆر كێشه‌یێن پیڤه‌رێ زیره‌ك و كێشه‌یێن فرۆشیاران و خه‌له‌ت خواندنا پیڤه‌ری و گه‌ڕیانا ژمێریاران ل تاخان و گه‌هاندنا كاره‌بێ بۆ هنده‌ك جهان هاتینه چاره‌سه‌ركرن.
د نوكه دا وه‌لاتی دشێن ب رێیا خزمه‌تگوزاریا سیسته‌مێ ئۆنلاین و په‌یوه‌ندیێن ته‌له‌فۆنی سكالا و داخوازیێن خوه بگه‌هیننه وه‌زاره‌تا كاره‌بێ ل سه‌ر ڤی لینكێ: http://skala.moel.gov.krd
