وه‌زاره‌تا كاره‌بێ ئه‌ڤ ساله به‌لاڤكرنا كاره‌بێ دێ ده‌ته كه‌رتێ تایبه‌ت
ئه‌ڤرۆ:
وه‌زاره‌تا كاره‌با حوكمه‌تا هه‌رێما كوردستانێ راگه‌هاند، د نوكه دا به‌رهه‌مئینانا كاره‌بێ بۆ سێ هزار و 337 مێگاواتان بلند بوویه، به‌لێ ژ ئه‌گه‌رێ ئاریشێن سۆته‌مه‌نیێ نه شیاینه هه‌تا وی ئاستی به‌رهه‌م بینن و پرۆسا ب تایبه‌تكرنا پشكا به‌لاڤكرنا كاره‌بێ د ئه‌ڤ ساله دا دێ كه‌ڤیته د بیاڤێ بجهئینانێ دا.
وه‌زاره‌تا كاره‌با حوكمه‌تا هه‌رێما كوردستانێ د راگه‌هاندنه‌كێ دا دیار كریه، هه‌تا نوكه 80% پرۆژێ پیڤه‌رێ زیره‌ك تمام بوویه و د نیڤا ئێكێ یا ئه‌ڤ ساله دا دێ ب تمامی ب دووماهی هێت.
وه‌زاره‌تا كاره‌بێ د وێ راگه‌هاندنێ دا خویا ژی كریه كو هه‌وا نه‌هێلانا زێده‌گاڤیان ل سه‌ر تۆرێن كاره‌با نیشتمانی دێ ده‌ست پێكه‌ت و سیسته‌مێ ده‌ستنیشانكرنا زێده‌گاڤیان ل سه‌ر تۆرا پیڤه‌رێ زیره‌ك دێ هێته كاراكرن، هه‌روه‌سا دگه‌ل زێده‌بوونا هه‌ژمارا هه‌ڤپشكێن كاره‌بێ، پێدڤیه 300 هزار پیڤه‌رێن دی ژی بهێنه دانان.
