وه‌زاره‌تا په‌روه‌ردێ بڕیاره‌كێ ل دۆر قوتابیێن ژ كۆچبه‌ریێ ڤه‌گه‌ڕیاین دده‌ت
ئه‌ڤرۆ:
وه‌زاره‌تا په‌روه‌ردا حوكمه‌تا هه‌رێما كوردستانێ دیار كر، ژ به‌ر به‌رژه‌وه‌ندیا گشتی یا قوتابیان و ل به‌رچاڤگرتنا ره‌وشا وان قوتابیێن ل گه‌ل خێزانێن خوه قه‌ستا ژ ده‌رڤه‌ی وه‌لاتی كرین و ڤه‌گه‌ڕیاینه ڤه، ئه‌و قوتابی دشێن دوباره ده‌ست ب ده‌واما خوه بكه‌ن.
د نڤیساره‌كێ دا كو ئیمزا ئالان حه‌مه سه‌عید، وه‌زیرێ په‌روه‌ردێ ل سه‌ره و دوهی 28/11/2021 ده‌ركه‌فتیه، وه‌كو كارئاسانی بۆ وان قوتابیێن ل گه‌ل خێزانێن خوه قه‌ستا ژ ده‌رڤه‌ی وه‌لاتی كرین و ڤه‌گه‌ڕیاینه ڤه، وه‌زاره‌تا په‌روه‌ردێ بڕیار دایه، ئه‌و قوتابی ل چو قووناغا خواندنێ بن (بنه‌ره‌ت، ئاماده‌یی ب هه‌موو پشكێن خوه‌ڤه یان په‌یمانگه‌هان)، ئه‌وێن حه‌ز دكه‌ن ڤه‌گه‌ڕنه خواندنێ و ده‌مێ دابڕینێ ژ خواندنێ بۆ ب نه‌هاتی نه‌هێته هه‌ژمارتن، داكو ڤه‌گه‌ڕنه ناڤه‌ندێن خواندنێ و درێژیێ ب خواندنا خوه بده‌ن.
د نڤیسارا وه‌زاره‌تا په‌روه‌ردێ دا هاتیه: “سه‌باره‌ت نمره‌یێن وان، د رێنمایه‌كا تایبه‌ت دا، ره‌وشا وان قوتابیان ل به‌رچاڤ دێ هێته وه‌رگرتن، لێ ب مه‌رجه‌كی به‌ری ئه‌نجامدانا ئه‌زموونێن دووماهیا وه‌رزێ ئێكێ په‌یوه‌ندیێ ب قوتابخانێن خوه‌ڤه بكه‌ن”.
