وه‌زاره‌تا په‌روه‌ردێ سالناما خواندنێ یا راستڤه‌كری به‌لاڤ كر
ئه‌ڤرۆ:
رێڤه‌به‌ریا گشتی یا ئه‌زموونان و هه‌لسه‌نگاندنێ ل وه‌زاره‌تا په‌روه‌ردێ یا حوكمه‌تا هه‌رێما كوردستانێ ده‌مێ ئه‌زموونێن به‌راهیێ و وه‌رزێ دویێ یێ خواندنێ راگه‌هاندن و ده‌مێ ده‌ستپێكرنا بهێنڤه‌دانێن ئادار و نه‌ورۆزێ ژی دیاركرن.
د نڤیساره‌كا رێڤه‌به‌ریا گشتی یا ئه‌زموونان دا هاتیه، كو ئاماژه ب بڕیارا كۆمبوونا جڤاتا وه‌زاره‌تا په‌روه‌ردێ ل 25/1/2022ێ كریه و تێدا هاتیه: “پشتی نڤیسارا مه یا هه‌ژماره 9293 ل 13/10/2021ێ، ب راستڤه‌كرنا سالناما خواندنێ و ئه‌زموونان ل رۆژێن خواندنێ و چه‌ند خال دهێنه بجهئینان”.
د خالا ئێكێ یا نڤیسارا رێڤه‌به‌ریا گشتی یا ئه‌زموونان و هه‌لسه‌نگاندنێ دا هاتیه: “ئه‌زموونێن به‌راهییێ وه‌ك خوه ل 19/2/2022ێ دێ ده‌ستپێكه‌ن و ل رۆژا 27/2/2022ێ، دێ ب دووماهی هێن”.
رێڤه‌به‌ریا گشتی یا ئه‌زموونان و هه‌لسه‌نگاندنێ ل وه‌زاره‌تا په‌روه‌ردێ د وێ نڤیسارێ دا ل دۆر بهێنڤه‌دانێن ئادار و نه‌ورۆزێ ئاشكرا كریه كو بهێنڤه‌دانێن ئادار و نه‌ورۆزێ ل 11/3/2022ێ دێ ده‌ستپێكه‌ن و ل 24/3/2022ێ دێ ب دووماهی هێن، لێ ل رۆژێن 12 و 13 و 14 و 15 و 16 و 17 یێن ئادارێ دێ ده‌واما فه‌رمی بیت ل ناڤه‌ندێن خواندنێ بۆ قه‌ره‌بووكرنا بهێنڤه‌دانێن مه‌ها 1 یا سالا 2022ێ، كو ژ به‌ر نه‌جێگیریا ره‌وشا سه‌قایی بڕیار ل سه‌ر هاتبوو دان.
