وه‌زاره‌تا چاندنێ باج ئێخسته سه‌ر ڤى به‌رهه‌می
ئه‌ڤرۆ نیۆز:
وه‌زاره‌تا چاندنێ و ژێده‌رێن ئاڤێ ل حوکمه‌تا هەرێما كوردستانێ بریاره‌ك دەربارەی ئینانا باجانسوركا ده‌رئێخست و دیاركر:كو ل ناڤه‌راستا هەیڤا بهێت بۆ هه‌ر كیلویه‌كا باجانسوركا دێ 350 دینار وه‌ك باج كه‌ڤیته‌سه‌ر ل ده‌مێ هاورده‌كرنێ.
ل گورەى نڤیساره‌كا وه‌زاره‌تا چاندنێ و ژێده‌رێن ئاڤێ ب هژمار (5407) کو واژویا عه‌بدولستار مه‌جید وه‌زیرێ چاندنێ و ژێده‌رێن ئاڤێ ل سه‌رە و هاتیه ئاراسته كرن بۆ رێڤه‌به‌ریا گۆمركا ب مه‌به‌ستا دانانا باجێ ل سه‌ر باجانسوركان بۆ هه‌ركیلوكێ كوژمێ 350 دینارا ل ده‌مێ هاورده‌كرنێ.
ل گورى نڤیسارێ هه‌ر كیلویه‌كا باجانسوركا دێ 350 دینار وه‌ك باج كه‌ڤیته سه‌رێ ل ده‌مێ هاورده‌كرنێ هه‌تا ناڤه‌راستا هەیڤا بهێت دێ كار ب ڤێ بریارێ هێته كرن.
ئه‌ڤ بریاره ئه‌ڤرۆ 7/9/2017 هاتیه دان ژبه‌ر داخوازیا جوتیارێن كوردستانێ كو داخواز كربوو، به‌رهه‌مێ وان بهێته فروتن ژبه‌ر به‌رژه‌وه‌ندیا جوتیارێ كوردستانێ ئه‌ڤ بریاره هاتیه‌دان و باج كه‌فتیه سه‌ر باجانا ژ ده‌رڤه.
