وه‌زیرێ سامانێن سروشتی: د ده‌مه‌كێ نێزیك دا بهایێ پانزینێ دێ ئه‌رزان بیت
ئه‌ڤرۆ:
وه‌زیرێ سامانێن سروشتی ل حوكمه‌تا هه‌رێما كوردستانێ دیار كر، ئه‌و ل گه‌ل وه‌زاره‌تا نه‌فتا ئیراقێ ل دۆر دابینكرنا گازا سپی و پانزینێ بۆ هه‌رێما كوردستانێ رێككه‌فتینه و دبێژیت: د ده‌مه‌كێ نێزیك دا ده‌ست ب به‌لاڤكرنا گازا سپی ل سه‌ر وه‌لاتیان دێ هێته كرن.
كه‌مال ئه‌ترووشی، وه‌زیرێ سامانێن سروشتی ل حوكمه‌تا هه‌رێما كوردستانێ خویا ژی كر، بڕیاره د رۆژێن بهێن دا پانزین ژ لایێ وه‌زاره‌تا نه‌فتا ئیراقێ ڤه بگه‌هیته هه‌رێما كوردستانێ و بهایێ وێ ژی دێ ئه‌رزان بیت و بۆ رووداو گۆت: “ب ئانه‌هیا خودێ د رۆژێن بهێن دا پانزین ملیۆن و 80 هزار لیترێن پانزینێ ب كوالێتیه‌كا بلند كه‌ڤیته د ناڤ بازارێن هه‌رێما كوردستانێ دا و ئه‌و بهایێ گرانێ نوكه یێ پانزینێ دێ هێته خوار، چونكو ئارمانجا من ژی ئه‌وه كو وه‌لاتی بشێن ب بهایه‌كێ گونجای پانزینێ بكڕن”.
وه‌كو دیار، د چه‌ندین رۆژێن بۆری دا بهایێ لیتره‌كا پانزینێ ل هه‌رێما كوردستانێ ب ره‌نگه‌كێ به‌رچاڤ گران بوو.
