وهزیرێ كارهبێ: د وهرزێ زڤستانێ دا بهرههمئینانا كارهبێ دێ زێده كهین
ههولێر، سولین سلێمان:
وهزارهتا كارهبا حوكمهتا ههرێما كوردستانێ راگههاند، پشتی وهزیرێ كارهبا ههرێما كوردستانێ سهردانا فهرمانگههێن كارهبێ كری، كۆمبوونهك ئهنجام دا و چهند بڕیارهكێن نوو ل سهر كارهبێ بۆ وهرزێ زڤستانێ هاتنه دان.
ئهندازیار كهمال محهمهد سالح، وهزیرێ كارهبا ههرێما كوردستانێ بۆ رۆژناما ئهڤرۆ دیار كر، بڕیاره ژ بۆ وهرزێ زڤستانێ بهرههمئینانا كارهبێ بهێته زێدهكرن و زێدهگاڤی ل سهر تۆڕا كارهبێ بهێنه راكرن، داكو باشتر خزمهتا وهلاتیان بهێته كرن و زێدهتر دهمژمێرێن كارهبێ بۆ بهێنه دان و گۆت: “ب مهرهما چارهسهركرنا گرفتا كارهبێ، مه بڕیار دایه، كو كارهب ژ بۆ زڤستانێ زێدهتر لێ بهێت”.
خویا ژی كر، وان دوپاتی ل سهر وهرگرتنا بهایێ كارهبێ كریه و گۆت: “مه بڕیار دایه، كۆ دهواما پشتی نیڤرۆ ههتا دهمژمێر پێنجی ئێڤاری ژ بۆ پشكا فرۆتنا وزێ بهێته درێژ كرن، ههروهسا كار ژ بۆ كێمكرن و چارهسهریا باگرانیێ ل سهر تۆرێن كارهبێ دێ هێته كرن”.
