وهزیرێ بندیوار
چهندین لیستێن وهزیر و بریكارێن وهزیران و شیرهتكار و شارهزا و رێڤهبهرێن گشتی و جێگرێن رێڤهبهرێن گشتی و رێڤهبهر و ئهفسهر ب پلێن جودا جودا و ….هتد یێن ئاشكرا بووین و هاتینه بهلاڤكرن، كو ئێك ژ وان تنێ رۆژهكێ ژی ئهو كارێ ل سهر هاتیه خانهنشینكرن نهكریه، ل ڤێ دووماهیێ ژی كهساتیهكێ دی ب خوه دهسپێشخهریهك كر و ئاشكراكر كو پلهیا وهزیر ل ههرێما كوردستانێ ب رهسمی ب وی هاتبوو دان، ئانكو بێگومان مهبهستا وی مووچێ وهزیرێ خانهنشینكری یه، چونكی مه گوه لێنهبوویه ئهو رۆژهكێ ل ههرێمێ بوویه وهزیر.
داوود باغستانی، كو خهلكێ باكوورێ كوردستانێ یه، ئهو كهساتیێ ل ناڤهراستا سالێن نۆتان هاتیه ههرێما كوردستانێ و ل دهۆكێ رێكخراوهكا مافێن مرۆڤی و كۆڤارهك و تهلهڤزیۆنهك ب ناڤێ (ماف) دامهزراندی و پاشی بیرهوهریێن خوه ژی د پرتووكهكێ دا چاپكرین و تێدا بهحسێ خوه ل بهغدا و كوهیتێ و لیبیا و سعودیێ و ئورۆپا دكهت و پشتی چهند سالهكێن كێم بهرزهبوو.
باغستانی ل پشتی شهڕێ ئازادیا عیراقێ دیاربوو ڤه، بهلێ ڤێ جارێ وهكو سهرپهرشتیارێ دهستهیا دهستپاكیێ (نهزاهێ) ل پارێزگههێن نهینهوا و سهلاحهدین و كهركووكێ و پاشی دهزگهههك و كۆڤارهك ب ناڤێ (كورد ـ ئیسرائیل) ل ههرێما كوردستانێ دامهزراند و چهندین هژمار ژێ هاتنه بهلاڤكرن و پاشی ژ وهشانێ راوهستیا و دووباره داوود باغستانی بهرزه دبیتهڤه.
ل رۆژناما ئهڤرۆ یا هژمار (2047) ل 2/2/2017 ێ، جارهكا دی باغستانی دیاربوو ب پهیامهكێ كو تێدا دبێژیت سهربخوهیا كوردستانێ باوهریا وی یه، د پهیاما خوه دا دبێژیت (من ل دهولهتا عیراقێ ب رهسمی وهكو رێڤهبهرێ نهزاها گشتی كاركریه و ل دهڤهرا ههرێما كوردستانێ ب پلهیا وهزیر).
پشتی ژناڤبرنا رژێما بهعس ل 2003 ێ، داوود باغستانی پۆستێ سهرپهرشتیارێ دهستهیا دهستپاكیێ (نهزاهێ) ل پارێزگههێن نهینهوا و سهلاحهدین و كهركووكێ وهرگرتبوو و دیاردبیت كو ل سهردهمێ مالكی ژی ههر دوی پۆستی دابوو دهمێ دبێژیت (مالكی ژ من خواست دهعوا گهندهلیێ ل سهر هندهك بهرپرسێن كورد د ناڤ حوكمهتا عیراقێ دا تۆمار بكهم، بهلێ ئهم رازی نهبووین و ل گهل شاندهكێ پێكهاتی ژ سهرۆكێ دهستهیا نهزاهێ (رازی رازی) و د. عهبدوللا تمیمی چووینه خزمهتا سهرۆكێ ههرێما كوردستانێ ومه ب ئاشكرا بهحسێ ڤی بابهتی كر).
بهلێ جارا ئێكێ یه دزانم كو باغستانی ب رهسمی ل ههرێما كوردستانێ وهزیر بوو (وهكو د پهیاما خوه دا دبێژیت) و ههكه ئهو پۆسته (ب رهسمی) پێ هاتبیته دان ئهرێ چ وهزارهت بوو و چهند سالان وهزیر بوو؟ یان ئهو ژی (وهزیرێ بندیوار) بوو، وهكو گهلهك كهسان ومووچێ (رهسمی) یێ وهزیرێ خانهنشینكری وهردرگریت؟ بێ كو رۆژهكێ ژی وهزیر بن.
ل جههكی دی د پهیاما خوه دا، باغستانی دبێژیت (دهما ئهم نوكه بهحسێ ڤان تشتان دكهین ههمی كورد و ههمی عهرهب دهما ل سۆشیال میدیا ل داوود باغستانی دگهرن و ل پهیچێ كورد ـ ئیسرائیل، دێ بینن مه چ خواستیه و ب چ رهنگهكێ ئاشكرا) .
داخواز ژ ب رێز باغستانی دكهم، پهیامهكێ ل سهر كۆڤارا (كورد ـ ئیسرائیل) ژی بهلاڤ بكهت، كا بۆچی ئهو كۆڤاره هاته داخستن، دیسا بۆمه چارهنڤیسێ سهرنڤیسهرێ وێ كۆڤارێ (مهولود ئاڤهند) دیار بكهت كو ل سالا 2012 د سهرهدانهكێ دا بۆ باژێرێ سلێمانیێ بهرزهبووی و ئهرێ نوكه ئاڤهند ل كیڤه یه؟.
