وه‌زیرێ په‌ترۆلا ئیراقێ: د به‌رهه‌ڤین كێشان ل گه‌ل هه‌رێمێ چاره‌سه‌ر بكه‌ین
ئه‌ڤرۆ:
وه‌زیرێ په‌ترۆلا ئیراقێ ئیحسان عه‌بدولجه‌بار راگه‌هاند، د به‌رهه‌ڤین كێشێن هه‌لاویستی ل گه‌ل هه‌رێما كوردستانێ چاره‌سه‌ر بكه‌ین.
وه‌زاره‌تا په‌ترۆلا ئیراقێ د به‌یاننامه‌كێ دا ئاماژه كر كو ئیحسان عه‌بدولجه‌بار وه‌زیرێ په‌ترۆلێ پێشوازی ل كه‌مال حه‌مید ئه‌ترووشی، وه‌زیرێ سامانێن سروشتی ل هه‌رێما كوردستانێ كر.
ب گۆره‌ی به‌یانناما وه‌زاره‌تا په‌ترۆلا ئیراقی، هه‌ردولا د دیداره‌كێ دا دووپاتی ل سه‌ر وێ ئێكێ كر كو گرنگه زه‌لالیا زێده‌تر د رێڤه‌برنا سامانێ په‌ترۆلێ ل ئیراقێ هه‌بیت.
وه‌زیرێ په‌ترۆلا ئیراقێ، ل دووڤ وێ به‌یاننامێ راگه‌هاند كو د به‌رهه‌ڤن كێشێن هه‌لاویستی ل گه‌ل هه‌رێما كوردستانێ چاره‌سه‌ر بكه‌ن و گۆت” ئومید دكه‌ین دیدار و دانوستاندنێن د ناڤبه‌را به‌غدا و هه‌ولێرێ ل دووڤ دستوورێ ئیراقێ، كێشێن هه‌لاویستی د ناڤبه‌را هه‌ردولا دا چاره‌سه‌ر بكه‌ن”.
