وه‌زیرێ په‌روه‌ردێ زانیاریان ل دۆر درێژكرنا پرۆسه‌یا خواندنێ دده‌ت
ئه‌ڤرۆ:
وه‌زیرێ په‌روه‌ردێ ل حوكمه‌تا هه‌رێما كوردستانێ د كۆنفرانسه‌كێ رۆژنامه‌ڤانی دا راگه‌هاند، ئه‌ڤ ساله به‌روڤاژی سالێن بۆری پرۆسا خواندنێ زووتر ده‌ستپێكرییه و دبێژیت: هه‌تا نوكه چو ئاریشه بۆ مه چێنه‌بووینه، ژ به‌ر ڤێ چه‌ندێ پێدڤی ناكه‌ت پرۆگرامێن پۆلا 12 ئاماده‌یی بهێنه كێمكرن.
د. ئالان حه‌مه سه‌عید، وه‌زیرێ په‌روه‌ردێ گوت: “ب كێمكرنا پرۆگرامێن خواندنێ دێ زیان گه‌هیته قوتابیان و پشتی هنگی دێ ئه‌و دروست بیت كو دهێته گوتن ژ ئه‌گه‌رێ كێمكرنا پرۆگرامان پله دێ بلند بن، ژ به‌ر هندێ مه نه‌ڤێت زیان بگه‌هیته قوتابیان”.
وه‌زیرێ په‌روه‌ردێ دیار كر ژی كو ئه‌و دێ دووڤچوونێ كه‌ن، داكو بشێن ده‌مێ خواندنێ درێژ بكه‌ن یان ژی كانێ دێ چه‌ند شێن ده‌می درێژكه‌ن و گۆت: “چه‌ندین هه‌لبژارتن بۆ چاره‌سه‌ركرنا درێژكرنا ده‌مێ خواندنێ هه‌نه، به‌لێ كه‌س ژ جڤاتا وه‌زاره‌تێ ل گه‌ل هه‌لبژارتنا كێمكرنا پرۆگرامێن خواندنێ بۆ ئه‌ڤ ساله نینه”.
ئالان حه‌مه سه‌عید گۆتژی: “هه‌كه ده‌ستكاری د سالناما خواندنێ دا بهێته كرن و ده‌مێ خواندنێ بهێته درێژكرن، وی ده‌می دڤێت قوتابی بزانن، كو دێ كه‌ڤیته د ناڤ گه‌رما هاڤینێ دا و پێدڤی یه ئه‌و ل به‌ر چاڤ وه‌ربگرن”.
