وه‌كهه‌ڤیا شورته دێ بیته پالده‌ره‌ك بۆ یاریا سوبه یا دهۆك
ئه‌ڤرۆ نیوز، بیستر دهۆكى:
بریاره سوبه یاریێن گه‌را نه‌هێ ژ قوناغا دووێ یا خولا پلا نایاب یا هه‌رێما كوردستانێ بهێنه ئه‌نجامدان دڤێ گه‌رێ دا ئیك ژ گرنگترین یاریا یانا دهوك دێ بیته میهڤانا یانا پێشمه‌رگه‌ها هه‌ولێر .
ل دور به‌رهه‌ڤیێن یانا دهوك بۆ ڤێ یاریێ راهێنه‌رێ یانا دهوك حازم سالح بو سایتێ ئه‌ڤرو نیوز گوت: سه‌ره‌راى ئه‌ڤه دبیته یاریا سێ دڤێ حه‌فتیێ دا ئه‌و كه‌ن لێ تیما مه هه‌تا راده‌یه‌كێ باش خو به‌رهه‌ڤكرى یه بۆ ڤێ یاریێ تایبه‌ت پشتى وێ وه‌كهه‌ڤیا به‌رامبه‌ر شورته دخولا عیراقێ دا و مسوگه‌ركرنا خولا بژاره دێ بیته پالده‌ره‌كێ باشتر بوو یاریكه‌ران بۆ ڤێ یاریێ باشتر یاریێ بكه‌ن.
ناڤبرى زێده‌تر گوت : هه‌رچه‌نده ئه‌ز و ل گه‌ل هه‌ر ئێك ژ یاریكه‌ران یادگار یونس و محه‌مه‌د زهێر و شێرزاد محه‌مه‌د نه‌شێن پشكداریێ دڤێ یاریێ دا بكه‌ن ژبه‌ر هنگافتنێ و ئه‌ز ژى ژلایێ ئێكه‌تیا ته‌پا پیێ ڤه هاتیمه سزاكرن لێ مه بۆ ڤێ یاریێ پێگهورێ باش هه‌یه و باوه‌ریه‌كا مه‌زن من یا ب شیانێن یاریكه‌ران هه‌ى ئه‌نجامه‌كێ باش توماربكه‌ن .
ل دووماهى ناڤبرى دیاركر كرنا یاریێ ژى به‌رامبه‌ر یانه‌یه‌كا وه‌كو پێشمه‌رگه گه‌له‌ك یا ب سانه‌هى نابیت ژبه‌ركو تیما پێشمه‌رگه ئێك ژ باشترین یانه‌یا ل سه‌ر ئاستێ هه‌رێمێ ل وه‌رزێ ئه‌ڤ ساله لێ باوه‌رى ب شیانێن یاریكه‌رێن خوه هه‌یه دێ شێن به‌رده‌وامى ده‌نه كاروانێ خوه بۆ برنا ناسناڤێ خولێ.