وه‌لاته‌كێ ل سه‌ر وه‌غه‌رێ
ئیسماعیل سلێمان هاجانی
پێلاڤا من
ته‌مه‌تی وه‌لاتێ منه
هه‌ر ئه‌ردێ پێن من گه‌هشتنێ
ئه‌و جهه وه‌لاتێ منه
وه‌لاتێ من لڤۆكه ل سه‌ر خڕخالان
دخۆشكت
جار دارستانه‌كه
جار پاپۆره‌كه كه‌ڤناره د نیڤا ده‌ریا ده
جار چۆپه‌كی هلهلیه د ئۆقیانۆسان ده
وه‌لاتێ من تم ل سه‌ر وه‌غه‌ره‌ێیه
دو جاران دزڤڕت
جاره‌كێ د گۆیا زه‌مین دا
و جارا دن د گه‌ردوونێ مه‌زن دا
وه‌لاتێ من ئه‌و جهه یێ پێن من دگه‌هنێ
جار به‌له‌مه‌كه،
و جار پاشیا بارهلگره‌كا به‌فرینه
وه‌لاتێ من جار سنور و سیمن
قۆچك و جه‌ندرمه و گه‌ویجن
پۆلیس و كۆچكن
سامانێ من تنێ جانته‌كه
مالا من كیسێ خه‌وێ ل پشتا منه
وه‌لاتێ من ئه‌زم و ئه‌ز ب خوه وه‌لاتم
وه‌لاتێ من تنێ ناڤه‌كه
ئه‌و ناڤ ژی ل سه‌ر چو پاسپۆرتان نینه.
