وه‌لاتيه‌ك ب چه‌قۆيێ هاته كوشتن
ئه‌ڤرۆ نيوز، عه‌زيز هه‌ورامى:
ژ ئه‌گه‌رێ دروستبوونا كێشه‌يه‌كا جڤاكى و گۆتنا ئاخفتنێن ره‌ق دو پسمام كو ب ره‌گه‌ز خه‌لكێ رۆژئاڤايێ كوردستانێ نه، زاڤايێ وان پسمامێ خوه ب چه‌قۆيێ كوشتن.
پۆليسێن سلێمانيێ د راگه‌هاندنه‌كێ دا كو دانه‌ك ب ده‌ست ئه‌ڤرۆ نيوز كه‌فتيه، هاتيه: “دو وه‌لاتيێن ئاواره يێن خه‌لكێ قامشلۆ ل رۆژئاڤايێ كوردستانێ كو ل كه‌مپا ئاواران يا باريكه بنه‌جهبووينه و پسمامێن ئێكدۆ نه، ب شه‌ر چووينه و د ئه‌نجام دا ئێكى يێ دى كوشتيه”.
د راگه‌هاندنا پۆليسێن سلێمانيێ دا هاتيه: “يێ كوشتى ب ناڤێ (ف، ئ، ى) ژ دايكبوويێ 1984ێ يه و كاسبه و خه‌لكێ قامشلۆيا رۆژئاڤايێ كوردستانێ يه و ل كه‌مپا ئاوارێن باريكه يێ بنه‌جهه”.
ب گۆره‌ى پۆليسێن سلێمانيێ ژ لايێ بنگه‌هێ پۆليسێن عه‌ربه‌ت په‌رێن ڤه‌كۆلينێ بۆ روودانێ هاتينه ڤه‌كرن و پێزانينێن پێدڤى بۆ ده‌سته‌سه‌ركرنا بكوژى يێ ل به‌ر ده‌ست و پۆليس يێ دووڤچوونێ دكه‌ن بۆ ده‌سته‌سه‌ركرنا بكوژى”.
