وه‌لاتیه‌كی دناڤا ئوتێله‌كێ دا گیانێ خوه ژده‌ستدا
ئه‌ڤرۆ نیۆز، قائید میرۆ
په‌یڤدارێ پۆلیسێن پارێزگه‌ها هه‌ولێرێ ئاشكراكر، ئێڤاریا ئه‌ڤرۆ ژ ئه‌گه‌ره‌كێ نه‌دیار وه‌لاتیه‌كێ عه‌ره‌ب دناڤا ئوتێله‌كێ دا گیانێ خوه ژده‌ستدایه.
كاروان خۆشناو، په‌یڤدارێ پۆلیسێن هه‌ولێرێ ب ئه‌ڤرۆ نیۆز راگه‌هاند” ئێڤاریا ئه‌ڤرۆ هێزێن پۆلیسان ل هه‌بوونا روویدانه‌كێ هاتنه ئاگه‌هداركرن، پشتی گه‌هشتنا پۆلیسان ده‌ركه‌فت ل ئوتێله‌كا سه‌نته‌رێ باژێڕێ هه‌ولێرێ وه‌لاتیه‌كێ عه‌ره‌ب دناڤا ژۆرا خوه‌دا گیانێ خوه ژده‌ستدایه.
كاروانی گۆتژی” ته‌رمێ وه‌لاتیێ عه‌ره‌ب هاتیه هنارتن بۆ په‌یمانگه‌ها نۆشداریا داد و ڤه‌كۆلین به‌رده‌وامن بۆ زانینا ئه‌گه‌رێ مرنا ئه‌ڤی وه‌لاتیێ ب ره‌گه‌ز عه‌ره‌ب.
