وه‌لاتێ من
وه‌لاتێ من
پێشكێشه بۆ ((وه‌لاتێ من)) كوردستانا مه‌زن…
ئه‌لند مزووری
وه‌لاتێ من…!!
ئه‌ز دبینم
كۆ كولیلكن بوهارا ته
هه‌می سۆرن
نه وه‌ك كولیلكێن…
بوهارێن بیانیا
د ره‌نگا و ره‌نگ و…
هه‌مه جۆرن
برینێن ته
دبێ سارێژن
ب كوراتیا…
ژان و ئاخینێن دلدارا
ب ژان و كوورن
هه‌تا ئیرۆ…
ده‌رمانه‌ك لێ نه‌هاتیه
هه‌ر دبێ
په‌رسته و دختۆرن
هیڤیێن ته…!!
به‌ر ب نیشان و ئارمانجا
ب درێژیا چه‌رخ و سالان
ژ ته د دوورن
لێ ئه‌ز ژی…
د هه‌مبێزا ته‌دا
دل شه‌وات و…
په‌ریشان و…
هه‌ر خه‌مخۆرم
