وورك شۆپەك بۆ سەرۆك یانەیێن خولا نایاب و ئێك هاتە ئەنجامدان
دوهی فیدراسیۆنا تەپا پێی یا ئیراقێ وورك شۆپەك بۆ یانەیێن وەرزشی یێن پلا نایاب و ئێك دگەل سەرۆكێ دەستەكا خولا ئسپانیا لالیگایێ خاڤیێر تیبیاس ب شێوەیێ ئۆنلاین ل بارەگایێ خوە بۆ سەرۆك یانەیێن پلا نایاب و ئێكی ئەنجامدا ب مەرەما دانۆستاندن و گەنگەشە ل سەر خولا پیشەكاران.
د وورك شۆپێ دا عەدنان درجال سەرۆكێ فیدارسیۆنا تەپا پێی یا ئیراقێ دۆپاتی ل سەر بڕێڤەبرنا خولا پیشەكاران ب پشتەڤانییا سەرۆك حكومەتا ئیراقێ محەمەد شیاع ئەلسودانی كر و ئەڤ پێنگاڤە نە بتنێ وەكو دورشمە بەلكۆ پرۆژەیە دێ وەرزشا ئیراقێ بەر ب قۆناغەكا دیرۆكی و پیشەكاریێ بەت و هەمی یانەیێن پشكدار مفایی ژێ وەربگرن و دێ بزاڤێ كەن ئەڤ پرۆژەیە سەركەفتی بیت.
ژلایەكێ دووڤە خاڤیێر تیبیاس دیاركر كاروانێ وان یێ درێژە و هەڤكارییا هەمی لایەكی دێ سەركەفتی بیت و ئیراقێ بەر ب پیشەكاریێ بەت و گۆت: نە بتنێ ل رۆژهەلاتا ناڤین بەلكۆ ل جیهانێ هەمیێ دێ وەرزشا ئیراقێ سەنگا خوە هەبیت و ژلایێ هونەری، بازرگانی و ئابۆری و دیسان دانانا شەنگستەكێ یاریێ و ڤەگۆهاستنا تلەفزیونی كو داهاتێ یانەیان زێدەتر لێبكەت.
بۆ زانین هەر ئێك ژ سەرۆكێ یانەیا دهۆك د. عەبدوللا جەلال، یێ زاخۆ عەمار فەرهاد، یێ هەولێر هەولێر وەلید عارەب و نوونەرەك ژ نەورۆز بەرهەڤبوون، بڕیارە ئەڤرۆ بەرپرسێن رێپێدانێ یێن سیستەمێ خولێ بۆ هەر 20 یانەیێن د خولا پیشەكاران دا پشكداری وورك شۆپێ بن ژوانا هەڤال بریفكانی ژ یانەیا دهۆك و عادل سندی ژ یانەیا زاخۆ پشكدارن.
