وێسته‌گه‌هه‌كا مۆبایل یا كاره‌بێ ل ناوچه‌داریا شێلادزێ هاته دانان
ئامێدیێ، مه‌حمود نهێلی:
ب مه‌ره‌ما چاره‌سه‌ركرنا ئاریشا كاره‌با ناوچه‌داریا شێلادزێ وێستگه‌هه‌كا مۆبایل ل وێ ناوچه‌داریێ هاته دانان.
ئه‌ندازیار ئارام جه‌لال، رێڤه‌به‌رێ به‌لاڤكرنا كاره‌با ئامێدیێ بۆ رۆژناما ئه‌ڤرۆ دیار كر، ئه‌ڤ وێستگه‌هه ژ بۆ چاره‌سه‌ركرنا ئاریشا كاره‌بێ ل ناوچه‌داریا شێلادزێ هاتیه دانان و گۆت: “پشتی سه‌ره‌دانا مه‌سرور بارانی، سه‌رۆكێ حكومه‌تا هه‌رێما كوردستانێ بۆ ده‌ڤه‌رێ رازیبوون ل سه‌ر هاتبوو كرن و نوكه ده‌ست ب گرێدانا وێ هاته كرن و گوژمێ ملیاره‌ك و 255 ملیۆن دینار بۆ هاتینه ته‌رخانكرن و پێدڤیه د هه‌یاما شه‌ش هه‌یڤان دا ب داوی بهێت”.
ناڤهاتی ئاشكرا ژی كر كو هه‌ر بۆ هه‌مان مه‌به‌ست پرۆژه‌یه‌كێ دی یێ راكێشانا هێله‌كا كاره‌بێ ل وێستگه‌ها هایدروپاوه‌رێ دێره‌لۆكێ بۆ شێلادزێ دهێته راكێشان و گۆت: “ئه‌ڤ هێله 33 كه‌یڤی یه و گوژمێ 487 ملیۆن دیناران بۆ هاتینه ته‌رخانكرن و نوكه د قووناغێن بجهئینانێ دایه و د ده‌مه‌كێ نێزیك دا دێ ب داوی هێت”.
