وێنه‌كێشان رێیه‌كا گرنگه بو چاره‌سه‌ریا زارۆیێن تووشی تێكچوونێن ده‌روونی دبن
دهۆك، ره‌ڤین سالح:
زنار حلمی، ماموستا وێنه‌ی دیاردكه‌ت كو یا ب رێیا وێنه‌یان ب دو رێكان چاره‌سه‌ریا زارۆیێن تووشبوویێن ده‌روونی دهێته‌كرن، ئێك وەك چارەسه‌ریا ده‌سپێكی كو نه‌خۆشیا وی ده‌سنیشان بكه‌ین، زارۆ نه‌شێت باخڤیت و ب رێیا وێنه‌ی هه‌ستێ خوه ده‌ردبریت، ئه‌وێن ژ روونشتنێن چارەسه‌ریێ ده‌ردكه‌ڤن وەك ماندیبوونه‌ك بو وان په‌یدادبیت، ئه‌م وێنه‌ی بو ده‌ربرینا هه‌ستێن وان زارۆیان ب كاردئینین.
ماموستا وێنی، خویاكر دژیێ سێ سالیێ هه‌تا 18سالیێ زارۆك دهێنه ل ده‌ڤ وان، وگۆت: ئه‌م دگه‌ل خێزانا وان دئاخڤین كا ئاریشه چیه، ئه‌م دبێژینه زارۆی وێنه‌یێ خێزانا خوه چێكه، ده‌مێ هنده‌ك خیچكان وێنه دكه‌ت پرسیارێ ژێ دكه‌ین كا چیه چێكری، هه‌روه‌سان گه‌له‌ك جاران ئاریشه ل قوتابخانێ هه‌نه ب رێیا وێنه‌ی دێ قوتابخانێ و ماموستایێن خوه چێكه‌ت، ب ڤێ رێكێ ئه‌م ئاریشا وان دزانین، گشتی زارۆ بو مه دهێن لێ پتر ئه‌ون یێن لڤینا وان زێده یان خه‌موكی هه‌ی.
زنار حلمی گۆت: دیسان كه‌یسێن ژێك جودابوونا دایك و بابان كارتێكرنێ ل ده‌روونێ\ وان دكه‌ن، ب رێیا وێنه‌یان هه‌ستێ خو ده‌ردبرن، هندك جارا پتری شه‌ش زارۆیان وەردگرین بو چاره‌سه‌ركرنا وان ب رێیا وێنه‌یان، دیسان وێنه‌یێن وان كوم دكه‌ین ده‌مێ دبیته رۆژا جیهانیا زارۆیان پێشانگه‌هه‌كا وێنه‌یان بو وان ڤه‌دكه‌ین و ئه‌و خێزانێن خوه د وێ رۆژێدا ئاماده دبن.
د:سه‌گڤان محمدصالح ، تایبه‌تمه‌ندێ نه‌خوشیێن مێشكی وده‌ماران
