وێنیێ وی ببینە – نەوشێروانەکێ نوو ل ڤێ دەڤەرێ پەیدابوو
ئەڤرو نیوز ، نەوزاد ھلۆری:
وەکو وەفاداری و رێزگرتن بو خەبات و قوربانیدانا “نەوشێروان موستەفا “رێکخەرێ گشتیێ تەڤگەرا گۆڕان کو ئەڤرو سپێدێ وەغەرکر و چویە بەردلوڤانیا خودێ ، وەلاتیەکێ قەزا رەواندوز ناڤێ زاروکێ خوەیێ نوو پەیدابوی کرە نەوشێروان.
دڤی واریدا دیفاع ھەرکی رۆژنامەڤان ل میدیا گۆڕان بۆ ئەڤرو نیوز گۆت: (ل چرکیێن دەستپێکا وەغەرکرنا بەرێز “نەوشێروان موستەفا “رێکخەرێ گشتیێ تەڤگەرا گۆڕان وەلاتیەکێ گوندێ گەرەوان یا سەر ب قەزا رەواندووز بناڤێ ” سەلمان عەزیز ” وەکو وەفاداری و رێزگرتن بۆ خەبات و قوربانیدانا نەوشێروان ناڤێ زاروکێ خوەیێ نوو پەیدبووی کرە ” نەوشێروان ” و وێنە و زانیاری بو میدیا گۆڕان ھنارتینە)
زێدەتر گۆت: (ل گورەی ئاخفتنێن بابێ ئەوی زاروکی ، نەوشێروان موستەفا کەساتیەکێ کارتێکەر بووە و پەیاما وی ناراوستیت و پەیاما وی دێ ھەر ب زێندی مینیت ڤە ژبەرڤێ ئەوی زاروکیێ خوەیێ نوو پەیدابوی کرە نەوشێروان کو تنێ دوو دەمژمێر دناڤبەرا ھەردوو نەوشێروانان دا ھەیە)
