وێنێ رۆژنامەڤانەكێ بیانی كارتێكرن لێكر ببیتە وێنەگر
دلڤین رەشید:
وێنەگر (عەمەر فازل حامد) د د دیدارەكێ دا بۆ روژناما ئەڤرۆ دیاركر كو ئەو قوتابیێ پەیمانگەها رۆژ پشكا كۆمپیۆتەری یە، نێزیكی چاردە سالانە كارێ وێنەگریێ دكەت و نوكە وێنەگرە ل تەلەفزیۆنا دهۆك.
ناڤهاتی گۆت: بۆ من ئەڤ كارە یێ ب زەحمەت نینە، چنكو من ب حەز و ڤیان دەستپێكریە و وەك وێنەگرێ ناڤ ستۆدیۆیێ و دەرڤە ژی من كار كریە، بەلێ پتر حەزژ كارێ مەیدانی دكەم، چنكو دكارێ مەیدانی دا مرۆڤ دشێت پتر پەیوەندیان ل گەل جڤاكی خوە خۆرت بكەت و كارێ وێنەگریا تیڤیان جوداهیەكا مەزن هەیە دگەل وێنەگریا شەهیانان، چونكو وێنەگریا تیڤیان مرۆڤ پێدڤی ب هزركرنێ یە داكو بشێت ئەو دیمەنێن بكێر تیڤیێ دهێت هەلبژێریت ئانكو ئەم دشێین بێژین پتر كارەكێ هونەری یە، لەورا دڤێت وێنەگری هزر و بیر و زیرەكیەكا تەمام د ڤی بۆاری دا هەبیت، ب شێوازەكێ ئەكادیمی و پرۆفێشنال ڤیدیۆ یان وێنەیێن خۆ یێن رۆژنامەڤانی پێشكێشی بینەران بكەت، چنكو وێنێ رۆژنامەڤانەكێ بیانی كارتێكرن ل من كر كو ئەز ببمە وێنەگر.
