پشتی پێنچ رۆژان ژ به‌رزه‌بوونێ تەرمێ قوتابیەکێ زانکۆیێ ھاتە دیتن
ئەڤرۆ نیۆز، رەمەزان ھەرنی:
بەرپرسێ راگەھاندنا بەرەڤانیا باژێری ل ئاکرێ دیارکر پێنچ رۆژ بوو تەرمێ قوتابیەکێ زانکۆیا سەحەلادین ل زێ يێ مەزن ل نێزیک پرا قەندیل د ئاڤێ دا مابوو، تیمێن نقومڤانان ل دووڤ تەرمێ وی دگەریان، بەلێ ژ بەر شێلیبوونا ئاڤێ زوو نە د ھاتنە دیتن، ئەڤرۆ رۆژا پێنجشەمبی تەرمێ وی ھاتە یتن.
رائید فیراس یاسین ئاکرەیی، بەرپرسێ راگەھاندنا بەرەڤانیا باژێرێ ل ئاکرێ بۆئەڤرۆ نیوز گۆت: “ل رێکەفتێ 17-6-218 وه‌لاتیەک ب ناڤێ (محەمەد سمایل خدر) ژ دایکبوویێ سالا 1994ێ کو خەلکێ ناحیا باتاسە و قوتابیە ل زانکۆیا سەلاحەدین ب مەرەما سەیرانێ قەستا سەر رووبارێ زێ یێ مەزن کریە ل دەڤەرا قەندیل ل دەمێ مەلەڤانيکرنێ دکەڤیتە د ئاڤێ دا و دخەندقیت.”
ناڤبری گۆتژی : “ژ بەر شێلیبوونا ئاڤێ دەمێ پێنچ رۆژا تەرمێ وی ما د ئاڤێ دا، چەندین تیمێن نقومڤانان ل دەڤەرێ لێ دگەریان، ئەڤرۆ تەرمێ وی ھاتە دیتن”.
