وێنەگریا درۆنێ هەموو كەس نەشێن بكەن
هەرهین محەمەد:
كاروان عومەر عیسا، وێنەگر ل داسنیا تیڤی، د دیدارەكێ دا بۆ رۆژنامەیا ئەڤرۆ گۆت: وێنەگر ئەو كەسەیە یێ كو هزرو بیرێن خوە ب رێیا كامیرە و وێنەیان دگەهینت و دشێت ب رێیا كامیرا خۆ هەموو دەمێن ژیانێ چ ب خۆشی، یان ب نەخۆشی و سرۆشتێ كوردستانێ نیشان بدەت و گەلەك كەس وەسا هزر دكەن وێنەگر بتنێ دوكمەكێ لێ ددەن و وێنەیان دگرن، بەلێ وێنەگر هزار دەمی و جهی و رۆناهیێ و لایێن كامیرێ دكەت.
هەروەسا گۆت: گەلەك كەس هەنە كارێ وێنەگریێ دكەن بەلێ كارێ هەر وێنەگرەكی ژیێ دی جودایە و هەركارەكی ژی زەحمەتیا خۆ هەیە و نوكە ئەز كارێ وێنەگریا ڤیدیۆیێ دكەم و راستە هەموو كەس دشێن ڤیدیۆیێ بكەن، بەلێ دەرحەق نا دەركەڤن و ئەو كەسێ كامیرێ ب هەلگریت دڤێت یێ رەوشەنبیر بیت و هەموو ئەتەكێتێن وێنەگریێ بزانیت و ل سەر بچیت و ژبلی كامیرەیا ڤیدیۆیێ كاری ل سەر درۆنێ ژی دكەم و ب راستی وێنەگریا درونێ ئانكو فرۆكێ هەموو كەس نەشێن بكەن و یێ بكەت ژی یێ كێمە، چونكو دڤێت بزانیت دێ ل كیڤە فڕینیت.
