وێنەگری و دەرهێنەری تمامكەرێن ئێكن
بێوار حەمدی:
ئەیاز سەلاح، وێنەگر و دەرهێنەر ل كەنالێ وار تیڤی، د دیدارەكێ بۆ رۆژنامەیا ئەڤرۆ گۆت: ل دەمەكی من ل كەنالێ ڤین تیڤی كاردكر، لێ ئەڤە دەه سال پترن ل كەنالێ وار تیڤی كاردكەم، ل دەستپێكێ وێنەگر بووم، لێ نوكە كارێ وێنەگری و دەرهێنەریێ دكەم و ب كارێ خوە یێ دلخۆشم.
ناڤبری، كو ب (ئەیاز بەرواری) یێ بەرنیاسە، هێشتا گۆت: من ل گەل هژمارەكا دەرهێنەران كاركریە، لەورا هزرا دەرهێنەریێ ل دەف من چێبوو، نوكە ئەز دەهێنەرێ بەرنامەیێ (پەسار) م، هەروەسا من كارێ دەرهێنەریێ بۆ هژمارەكا كلیپان كریە و ب دیتنا من كارێ وێنەگری و دەرهێنەریێ تمامكەرێن ئێكن، هەر چەندە كارێ دەرهێنەریێ بۆ من یێ ب زەحمەتە لێ خۆشیا تێدا هەی، لەورا دێ یێ بەردەوامبم.
