وێنەگرێن باش ل كوردستانێ هەنە
بێوارحەمدی
وێنەگر(سۆزان باپیر) كو ئاكنجیا باژێرێ زاخۆیە، د دیدارەكێ دا بۆ رۆژناما ئەڤرۆ گۆت: ل سالا 2019 من دەست ب كارێ وێنەگریێ كریە و دێ یا بەردەوام بم، چنكو حەزا منا زارۆكینیێ بوو.
هەروەسا گۆت: دەمێ من دەستپێكری خێزانا من گەلەك پشتەڤانیا من كرن، لەورا من بەردەوامی پێ دا و ئەز چوومە چەند خۆلێن فێركرنێ و هەتا نوكە من پشكداری د هژمارەكا پێشانگەهـ و بەریكانەیان دا كریە و بەری چەندەكێ من پێشانگەهەكا تایبەت ل زاخۆ ڤەكربوو، كو ب هاریكاریا گرۆپێ خۆرست بوو، بۆ زانین ئەز رۆژانە دوفچوونا شێواز و ئەتەكێتێن وێنەگرتنێ دكەم و من دڤێت بێژم كارێ وێنەگرتنێ نەبەس رەگەزێ نێر دشێت بكەت، بەلكو رەگەزێ مێ ژی ئەو شیان هەنە و هەكە پشتەڤانیا وێ بهێتە كرن دێ گەلەك وێنەگرێن باش دیاربن.
