وێنەگرێن نوكە دەست و تبلێن وان زێڕن
هەرهین محەمەد:
سەردار ئەبابەكر، وێنەگرێ دهۆك تیڤی، د دیدارەكێ دا بۆ ئەڤرۆ دیاركر كو ل سالا 1994 دەست ب وێنەگریێ كریە و ل سالا 2007 ل كەنالێ زاگرۆس كار كریە و نوكە یێ بەردەوامە ل دهۆك تیڤی.
سەرداری گۆت: جوداهیەكا مەزن دناڤبەرا وێنەگرێ فوتویێ و یێ ڤیدیویێ دا یێ هەی و هەر ئێك ژ وان چاڤێ خوە یێ تایبەت هەیە، بەلێ هەكە مرۆڤ نەبیتە وێنەگرێ فوتۆگرافی نابیتە وێنەگرێ ڤیدیۆیێ، چونكو لایێن فوتویێ ب زەحمەترن ژیێن ڤیدیۆیێ، و گرنگە مرۆڤ گەلەك خولان وەگریت و پاشان كاربكەت هەتا دبیتە وێنەگرەكێ راستەقینە و باوەرناما ب وێنەگریێ وەرگریت، چونكو وێنەگری نە بتنێ بۆ بەرناما و ڤیدیۆ كلیپایە وێنەگری بۆ سینەمایێ و فلمان و كورتە فلمان و فیچەرا و گەلەك تشتێن دی یە، وێنەگرێن مە چاڤیێ وان ل تەكنیكا نوویە و هەر تشتەكێ نوو بهێت، بۆ نموونە هاتنا كامیرەیێن پرۆفشنال گەلەك حەزژێ دكەن و حەزدكەن ئەو ئێكەم كەس بن كار ب ئەوێ كامیرێ بكەن وێنەگرێن نوكە یێن گەنج دەست و تبلێن وان دزێڕن گەلەك تەكنیكێن جوان دڤیدیویێ و كامیرێ دا دكەن و سەرنجا خەلكی رادكێشن.
