وێنەیێن ب كامیرەیێ یان ب مۆبایلێ چو جوداهی نینە
عەیشا عەجیب:
وێنەگر (نەشوان بژار) د دیدارەكێ دا بۆ رۆژنامەیا ئەڤرۆ دیاركر كو دژیەكێ بچووكدا وی حەزا وێنەگرتنێ هەبوو، لێ پشتی ل سالا (2009) دەلیڤە بۆ هاتی چوو كەنالەكێ راگەهاندنێ كارێ وێنەگریێ و مۆنتاژی كر و هەتا نوكە ل چەندین جهان كاركریە و یێ بەردەوامە.
ناڤهاتی گۆت: هەلبەت حەزژێكرنا من بۆ وێنەگریێ ژ دیمەنێن سروشتی دەستپێكر و ب دیتنا من كارێ وێنەگریێ یێ ب ساناهی نینە، چنكو گەلەك جاران رۆژێ هەموویێ ل هیڤیا دیمەنەكێ بالكێش مایمە دا وێنەیان بۆ بگرم، بۆ زانین گەلەك جاران وەسا چێبوویە پێدڤی ب گرتنا وێنەیان بوویمە لێ كامیرە ل گەل من نەبوویە، لەورا من ب مۆبایلێ وێنە بۆ گرتیە و ئەز دبینم وێنەیێن ب كامیرێ یان ب مۆبایلێ چو جوداهیا خوە نینە، چنكو یا گرنگ ئەوە وێنە جوان و سەرنجراكێش بهێتە گرتن.
