وێنەیێن من ل بەریكانەیێن وێنەگرتنێ پلا ئێكێ وەرگرتینە
گوهدار سلێمان :
تاها ئازاد محەمەد، وێنەگرەكێ باژێرێ ئاكرێ یە، د دیدارەكێ دا بۆ ڕۆژناما ئەڤرۆ گۆت: دژیەكێ بچووكدا حەزا گرتنا وێنەیان ل دەف من هەبووی، پشتی دەلیڤە هاتی ل سالا 2018 من دەستپێكر و گەلەك جاران رەخنە ل من دهاتە گرتن، لێ من گرنگی ب ئاخفتنێن خەلكی نە دا و ل دەستپێكێ هندەك ئاستەنگ دكەفتنە د رێیا من دا ئەو ژی خواندنا من و نە بوونا پێدڤیێن وێنەگرتنێ بوون، بەلێ من بەردەوامی دا كارێ خوە و چەندین جاران وێنەیێن من ل بەریكانێن وێنەگرتنێ دا پلا ئێكێ وەرگرتینە.
ناڤهاتی گۆت: جوانترین دیمەن ل دەف من دەمێ رۆژ ئاڤابوون و دەمێ بەفر بارینێ نە ل وی دەمی وێنە و دیمەنێن گەلەك جوان دهێنە گرتن و ئەز پتر بۆارێ سرۆشتی و فایشونان دا كاردكەم و وێنەگری كارەكێ ب زەحمەت و وەستیانە و هەر كەسەكێ دەستپێكێ كارێ وێنەگرتنێ بكەت دڤێت شارەزابیت د بۆارێ وێنەی دا كا چاوا دێ وێنەی گریت و ل چ دەم دا و دڤێت كوالێتیا وێنەی یا بەرز بیت، بۆ زانین نوكە ئەز مژوولی هندێ مە كو وێنەێن هەموو باژێرێن كوردستانێ بگرم.
