وێنەیێن 200 دكاندارێن دێرین ل زاخۆ هاتنە هەلاویستن
چیا ئەمین، رێڤەبەرێ رێڤەبەریا گشتی یا گەشت و گۆزارێ ل ئیدارەیا سەربەخۆیا زاخۆ، د دیدارەكێ دا بۆ رۆژناما ئەڤرۆ گۆت: بەری چەند رۆژان ئەم رابووینە ب هەلاویستنا كەڤالەكی ل سەر دیوارێ بازارێ كەڤن ل زاخۆ، كو وێنەیێن 200 دوكاندار و فرۆشیارێن دێرینێن زاخۆ ل سەرە، ئەڤەژی وەك رێزگرتن ل كەدا وان، هەروەسا بۆ وێ خزمەتا وان ل سەر دەمەكی وان پێشكێشی باژێرێ خوە كرین.
هەروەسا گۆت: داخوازا لێبۆرینێ ژوان مالباتان دكەین ئەوێن دوەختێ خوە دا دوكاندار و وێنەیێن وان ب دەست مە نەكەفتین، لێ دبێژینە وان مە هندەك ڤالاهی یێن هێلاین و هەر دەمێ وێنەیێن وان گەهشتن دێ لێ زێدەكەین و هەلاویستنا ڤی كەڤالی دیرۆكا كەڤنا ڤی باژێری دیار دكەت.
