وێنەیەک د هەیڤێ دا
سەلام بالایی
دهەر تاری شەڤەکێ دا
د ڕووبارێ گوندێ مەدا..
تو دبوویە تاڤەهەیڤەک
دهەر چوونەکێ دا..
تو دبوویە ناڤگر
دا بگەهم ئەدرێسێ
ئەز لێ دگەڕم..
دهەر هەڕکینەكێ دا
تو دبوویە لێهمشت
هەر تشت دسەتمین
ئاڤێ نەدبرن
لێ شڤێدی..
چ دەنگ نەدهاتنە من
هەمی تشت دخەونێن من دا
غەوارە دبوون..
گەلەک قووناغ هاتنە بڕین
لێ نزانم ڤێ جارێ
دێ ل نیڤا ڕێ ڤەگەڕی؟!
یان دێ هێی د هەمبێزا من دا بەرزەبی؟!
جان ماندیبووم
ژچاڤەرێکرنێ..
(دێ کەنگی هێی؟)
ئەز نزانم
لێ د دەمێ هاتنا تەدا
ل سەر فەرشێ سۆر ب مەشە
دمەشا خۆدا
ل راست و چەپان
نە زڤڕە..
هەر ڕێک وەرە
دێ من ل سەمتا چاڤێن خۆ بینی
هینگێ دێ زانم
دێ دهەمبێزا من دا مینی..
یانژی بێی سلاڤ
دێ دبەر من ڕا بۆری؟
