وەرزشا باژێرێ زاخۆ پێشڤەچوونەکا باش ب خوەڤە دیتیە
عەلی حاجی:
پشتی تیما لاوێن باسکێتبولا یانه‌یا زاخۆ شیایی رێزا ئێکێ د خولا لاوێن نایابا ئیراقێ ب دەستخوەڤە بینن، دەستەیا راهێنەر و یاریزانێن تیمێ ژلایێ مەکتەبا رێکخستنا پارتی ڤە هاتنە خەلاتکرن.
د داخویانیەکێ دا سەربەست لەزگین بەرپرسێ مەکتەبا رێکخستنا پارتی ل پارێزگەها دهوکێ دیار کر وەرزشا ئیدارەیا سەربەخویا زاخۆ ب شێوەیەکێ گشتی پێشڤەچوونەکا باش ب خوەڤه دیتیە د تەپاپێی و باسکێتبول و گەلەک یاریێن دیتر دا، یا دل خوەشکەر ژ هەر تشتەکێ تیمەکا رێک و پێک و گەنچ کو پێکهاتی ژ کورێن زاخۆ ناسناڤەکێ ب ڤی ڕەنگی ل سەر ئاستێ ئیراقێ ب دەستخوەڤە بینن ب ڕاستی ژی کارەکێ جوانە و ئەم ڤێ تیمێ ژ هەژی رێزگرتنێ دبینن و دێ بەردەوام ژی پشتەڤانیێ ل ڤێ تیمێ و یانەیا زاخۆ کەین ژبەرکو پێشڤەچوونا وەرزشێ ل ئیدارەیا سەربەخویا زاخۆ ب گرنگ دبینن، پێشتر وەکو پارتی مە پشتەڤانی ل یانەیا زاخۆ کریە و دێ بەردەوام ژی بین د پشتەڤانیکرنا وان دا.
ناڤبری گۆت ژی: د ڤێ قوناغێ دا یانەیەکا کورد ب زەحمەتە بشێت ناسناڤەکێ ل سەر ئاستێ ئیراقێ ب دەستخوەڤە بینیت لێ یا لاوێن زاخۆ ئەنجامدایی کارەکێ مەزن بوو و ژ ماندیبوونەکا مەزن هاتیە و بەرهەمێ وێ ژی ئەڤرۆ یێ دیارە.
