وەرزێ بهارێ بۆ چێكرنا كەڤالان تایبەتمەندیا خوە هەیە
موسا خالد:
هەلز ئیسماعیل ئەتروشی، شێوەكارەكا خەلكا دهۆكێ یە، د دیدارەكێ دا بۆ رۆژناما ئەڤرۆ دبێژیت: پتری هەشت سالانە وەك شێوەكار كاردكەم و هەتا نوكە من پتری (220) كەڤالان چێكرینە، لێ پتریا كەڤالێن چێدكەم ئەز دفرۆشم و ئەز شیایمە ب داهاتێ وان ژیانا خوە پێ برێڤە ببەم.
هەروەسا گۆت: من پێشانگەهەكا شێوەكاری ب ناڤێ (ئارت بای هەلز) ڤەكریە و ب هاریكاریا خویشكا خوە (هێلین) ێ گولا و دیاریان بۆ هەموو هەلكەفتان بەرهەڤ دكەین و دفرۆشین، دیسان داهاتێ وانژی بۆ من دبیتە پالدەرەك كو وەكو شێوەكار یا بەردەوامبم و كەڤالێن باشتر چێكەم، چنكو هونەر هەست و سۆز و ئارامكرنا دەروونێ مرۆڤی یە و نەشێم ژێ دووركەڤم و وەرزێ بهارێ تایبەتمەندیا خوە ل دەف من هەیە بۆ چێكرنا كەڤالان.
