وەرزێ ئەڤینێ
ڕۆندك مزووری
ڤینا وەرزەكێ كورت بوو
تە دڤیا حەز ژ من ب كەی
بەلێ نە دوێرییایی
تو یێ دو دل بووی
ژ بەر عەشقا تە یا ئەولی
دلێ تە مر بوو
ئەز ل ڕێكەكا دویر د چووم
لێ وەكی فیقیێ بەهەشتێ
كەتیە د ڕێكا مندا
من تام كرێ
گەڕیا دناڤ خوینا مندا
هەمبێز بوونە خەیال
دەمێ من تو دیتی
من دڤیا خۆ ب تە وەركەم
بەلێ ترسییام
تو چووی بەرزە بووی
هاتم ل هەناسەیا تە
سیتافكا تە د گەڕیام
چوومە ڤە ڕێكا ئەول
من تو لێ دیتی
تو ل وێرێ نە بووی
بتنێ من گولەك هشك
ل وێرێ دیت
ناڤێ من لسەر بەلگێن وێ بوو
من ڕاكر دگەل خۆ ئینا
و ڤەگەریام.
