وەرن دا ئەم هەمی پێكڤە پشتەڤانییا زاخۆ بكەین
نەهلا ئەحمەد
جهێ شانازییەكا مەزنە كۆ ئەڤرۆ پشتەڤانێت ئێك ژ یانەیێن كوردی بۆ ئێكەم جار د مێژوویا ئیراقێ و كوردستانێ دا دهێتە بەربژێركرن ژ بۆ خەلاتێ باشترین جەماروەێ سالێ (the best) ژ لایێ ئێكەتیا فوتبولا جیهانی فیفا یێ ڤە وەكۆ وەزرشڤانەك ب راستی ژی دبینم ئەو نمایش و تیفویێت جەماوەرێ یانەیا زاخۆ نیشان ددەت جهێ شانازی و دەست خوشیێ نە و یاری بۆ یاری گوهرینێن جیاواز ژ لایێ جەماوەری ب سایا سەرێ ئولتوراسێ ڤە دهێنە نیشاندان ئەڤچا ژبۆ هندێ كۆ پشتەڤانێت یانەیا زاخۆ كو ببنە یێن ئێكێ ژ لایێ فیفا یێ ڤە وەرن ئەم هەمی كوردستانی پێكڤە دا دەنگی بدەینە زاخویا خوشتڤی و بكەینە ئێكەمین ل سەر ئاستێ وان پشتەڤانێن هەڤرك، بێ گومان ئەڤ هەلبژارتنە ژی ب سانەهی نەهاتیە ئانكۆ وەكی من ئاماژە پێكری هەر یاریەكا بهێتە كرن چ ل یاریگەها یانەیا زاخۆ بیت یان ل دەرڤەیی یاریگەها وان بیت پشتەڤان ب ئێك دل و ب ئێك دەست پشتەڤانیێ ل تیما خوە دكەن و چ شكەستنێ بینن یان سەركەفتنێ هەر دگەل تیما خوەنە ئەڤەژی ئەو ئەگەرە یا دبیتە ریێا سەركەفتنێ ژ بۆ پشتەڤان و تیمێ ئەڤچا هیڤی ییە وەرزشڤان و كەسێن بەرپرس ژ وەرزشێ ل هەرێما كوردستانێ و ب تایبەت ل ئیدارەیا سەربەحۆیا زاخۆ ب چاڤەكێ مەزن بەرێ خوە بدەنە پشتەڤانێت یانەیا زاخۆ ژ بەركۆ پشتەڤانێن ژمارە ئێكن و ژ بۆ هندێ كو ل سەر چالاكیێن خوە دبەردەوام بن پشتەڤانی ژ لایێ ماددی و مەعنەوی بۆ ئەوان بهێتە كرن دا كو تشتێن جوانتر و باشتر ژ ئەوان بهێنە دیتن و هیڤیا برنەڤەیا ناسناڤان د ئەڤ سالەدا ژ بۆ تیما یانەیا زاخۆ ژ بەركۆ خەلكێ ئیدارەیا سەربەخۆیا زاخۆ ژ هەژی هەر تشتەكێ باش و جوانن.
