وەرگرتنا گەنمێ جۆتیارێن پارێزگەها دهۆكێ دێ ب دووماهی هێت

دهۆك، لەزگین جۆقی:

ریڤەبەرێ بازرگانیا دەخل و دانی ل پارێزگەها دهۆكێ و رێڤەبەرێ سایلۆیا فەیدیێ بۆ ئەڤرۆ دیار كر، بڕیار هاتیەدان هەتا رۆژا 15/7/2025ێ گەنمێ جۆتیاران ل سایلۆیان بهێتە وەرگرتن و دبێژیت: ئەم داخوازێ‌ ژ جۆتیاران دكەین، ب زووترین دەم گەنمێ خۆ ڕادەستی سایلۆیان ل پارێزگەها دهۆكێ بكەن.
نازم مەحمەد عەلی، ریڤەبەرێ بازرگانیا دەخل و دانی ل پارێزگەها دهۆكێ گۆت: «پرۆسەیا وەرگرتنا گەنمی نەهاتیە راوەستاندن و بەردەوامە، ئەم داخواز دكەین جوتیار ب زووترین دەم، هەتا رۆژا 15/7/2025ێ گەنمێ خۆ ڕادەستی سایلۆیێن شێخان و فەیدیێ و زاخۆ و رۆڤیا بكەن».
گۆتژی: «هەتا نوكە پتر ژ 90 هزار تەنێن گەنمی ژ جۆتیارێن پارێزگەها دهۆكێ ل هەمی سایلۆیان هاتینە وەرگرتن».

کۆمێنتا تە