وەریان دگەل خەونا هاتنێ یا وەریایی
دلدار محەمەد
وەرە 1
وەك وی پالەیێ لسەر جادەیێ و هەر ترۆمبێلەكا لەزاتییا خۆ كێم دكەت ئۆمێدەكێ د سینگێ بێئۆمێدیا وی دا شین دكەت، هێشتا من ئۆمێد هەیە تو ڤەگەری.
وەرە 2
بیرا تە دهێت! هەكو تە ل جەژنێ گۆتیە من: كیژ چكلێن ژ هەمییا شرینترە وان بۆ خۆ ببە. من گۆت: كاغەزەكێ د گڕنژینەكا خۆ ب پێچە، تو چوویی.. سالانە بەری جەژنێ ب چەند ڕۆژا، ئەز جەژنێ ب بێهێن هەلمایی ڤە ب بەتەنا پشتا گوندی ڤە دبینم، بو پێشوازیا هاتنا خۆ ل تەعلیشكێ دگەریێت.
وەرە 3
ل بیرا تەیە، تە گۆتبو من، دێ كەنگی ڕۆژەك هێت ل بن دارا د حەوشا مە دا ب ئازادی بگڕنژین؟
تو چوویی و ئەز و دار یێ هەڤركیێ لسەر هشكارەییێ دكەین، چركە نینە گری تایەكی ژ هەبوونا من نەقرینیت.
وەرە 4
ل كەسێ ناگرم كو ڕۆژەكا خەلەت بۆ بوونا من دانایە سەر ناسنامەیێ؛ ما كی دزانیت، ئێكەم گڕنژینا تە بۆ دێمێ من كەنگی بوو!
