وەزارەتا ئەوقافێ: کۆمکرنا پارەی ل مزگەفتان قەدەغەیە
ئه‌ڤرۆ نيوز:
وەزارەتا ئەوقاف و کاروبارێن ئایینی ل ھەرێما کوردستانێ راگەھاند، ل دووڤ رێنما و بڕیارێن وەزارەتێ کۆمکرنا پارەی ل مزگەفتێن کوردستانێ ب ھەموو شێوەکی قەدەغەیە.
نەبەز ئیسماعیل، پەیڤدارێ وەزارەتا ئەوقاف و کاروبارێن ئایینی ل ھەرێما کوردستانێ د داخویانیەکا رۆژنامەڤانی دا گۆت: “ئەوێ سەرپێچیا ڤێ بڕیارێ بکەت دێ پێرابوونێن ئیداری و قانوونی بەرامبەر ھێنە وەرگرتن”.
وەکو دیار ل مزگەفتێن ھەرێما کوردستانێ سندۆقەک بناڤێ سندۆقا (سەدەقا) دھێتە دانان و وەلاتی ب کەیفا خوە و بۆ خێرا خوە ھەر کەسێ بڤێت د دووڤ شیانێن خوە کوژمەکێ پارەی دکەتە تێدا، ئەو پارە ژی بۆ کێماسیێن مزگەفتێ دھێتە مەزاختن.
