وەزارەتا بازرگانی: ئەڤ سالە پشکا ئاھێن خوارنێ دێ زێدە بن
ئەڤرۆ:
رێڤەبەرێ گشتی یێ وەزارەتا بازرگانی و پیشەسازی یا حوکمەتا ھەرێما کوردستانێ دیار کر، بڕیارە ئەڤ سالە پشکا ئاھێن خوارنێ یێن وەلاتیان و پارێ گەنمێ جۆتیاران بھێتە زێدە کرن.
نەوزاد کامل، رێڤەبەرێ گشتی یێ وەزارەتا بازرگانی و پیشەسازی یا حوکمەتا ھەرێما کوردستانێ گۆت: “ژ ئەنجامێ نەبوونا بودجا پێدڤی، ل سالا ٢٠٢٠ ب تنێ چار ھەیڤان پشکا ئاھێن خوارنێ ل سەر وەلاتیێن عیراق و ھەرێما کوردستانێ ھاتینە بەلاڤکرن و ئەو ژی ب تنێ شەکر، زەیت و برنج بوون”.
نەوزاد ئاشکرا ژی کر، د پرۆژەقانوونا بودجا ٢٠٢١ دا پتر ژ چار ترلیۆن دینار بۆ وەزارەتا بازرگانیا عیراقێ و ھەرێمێ ھاتینە دیار کرن و گۆت: “ھەکە ل جڤاتا نوونەرێن عیراقێ رێگری لێ نەھێتە کرن و بھێتە پەسەند کرن، پشکا ئاھێن خوارنێ یێن وەلاتیان و پارێ گەنمێ جۆتیارێن عیراق و ھەرێما کوردستانێ دێ ھێنە دابینکرن”.
