وەزارەتا بازرگانی یا ئیراقێ نەشێت ئازۆقەیێ وەلاتیێن هەرێمـێ ببڕیت
شێخان، بارزان مزووری:
چیای تەیمور، ئەندامێ پەرلەمانێ ئیراقێ بۆ رۆژناما ئەڤرۆ دیار كر، ئەو ل گەل وەزیرێ بازرگانی یێ ئیراقێ ل دۆر بڕینا ئازۆقەیێ وەلاتیان كۆمبووینە و بۆ دیاركریە كو ئەو بخۆ خەمسار بووینە ژ گیركرنا كارتا نیشتیمانی ل قەزا شێخان و دبێژیت: وەزیرێ بازرگانی ل حكومەتا فیدرال بۆ مە دیاركریە، ئەو ئازۆقەیێ وەلاتیان نابڕن، هەتا هەموو دبنە خودان كارتا نیشتیمانی، دیسا مە ب رێكا پەرلەمانتاران ژی 86 ئیمزا كۆمكرینە، كو ئازۆقەیێ وەلاتیان نەهێتە بڕین.
ناڤبری گۆت: «وەزارەتا بازرگانی یا ئیراقێ دبێژیت: هەر كەسێ هەتا 1/8/2025 كارتا خۆ یا ئازۆقەی كارا نەكربیت دێ ئازۆقەیێ وی هێتە بڕین، ئەم خەلكێ خۆ پشتڕاست دكەین، كو ئازۆقەیێ وان ناهێتە بڕین».
