وەزارەتا دارایی و ئابووری ئامادەکاریان بۆ دابەشکردنا مووچێ هەیڤا ئەیارێ دکەت
ئەڤرۆ نیۆز،زنار تۆڤی:
وەزارەتا دارایی و ئابووری یا حوکمەتا هەرێما کوردستانێ ئامادەکاریا دکەت بۆ هندێ کو مووچێ هەیڤا ئەیارێ یێ فەرمانبەران و مووچەخۆرێن هەرێما کوردستانێ دابەش بکەت.
ل حەفتیا بهێت کارێ هووربینیێ دێ د لیستا مووچەیێ وەزارەتا پێشمەرگەیدا هێتەکرن و ل ماوێ 2 ڕۆژان دا ئەڤ پرۆسەیە دێ تەمام بیت.
هەروەسا رەنگە ل دوماهیا حەفتیا بهێت دا خشتێ دابەشکرنا مووچێ وەزارەت و دامەزراوەیێن حوکمەتا هەرێما کوردستانێ بهێتە راگەهاندن و وەک هەیڤێن دیتر،سەرجەم وەزارەت و دەستە و دامەزراوە ب ئێک راگەهاندن دێ وادەیێ دابەشکرنا مووچەیێ وان هێتە دیارکرن،ئێکەم وەزارەت ژی کو مووچە پێ بهێتەدان، دێ وەزارەتا پێشمەرگەی بیت،گوتیە ژی: دابەشکرنا مووچەی دێ پشتی 10\7\2017 دەست پێکەت.
ل هەیڤێن بوری دابەشکرنا مووچەی ل ناڤەراستێ هەتاکو دوماهیا هەیڤێ برێڤە دچوو،بەلێ ب ئەگەرێ هاتنا جەژنا رەمەزانێ،دابەشکرنا مووچێ هەیڤا 4 هاتە پێشخستن و ل ڕۆژا پێنجشەمبی 21/5/2017 دوماهی ب دابەشکرنا مووچێ وێ هەیڤێ ئینابوو.
