وەزارەتا داریی مەرجێن نووکرنا گرێبەستێن فەرمانبەران راگەھاندن
ئەڤرۆ نيوز:
وەزارەتا دارایی و ئابووری یا حوکمەتا ھەرێما کوردستانێ د راگەھاندنەکێ دا مەرجێن نووکرنا گرێبەستێن فەرمانبەران دیارکرن و تێدا ئاماژە ب راوەستاندنا دامەزراندنا وان ژی ھاتیە کرن.
د وێ راگەھاندنێ دا کو دوھی 4ى كانوونا دويێ2017 وەزارەتێ ل سەر ھەموو دام و دەزگەھێن حوکمەتێ گشتاندن بۆ کریە و دانەک دەست رۆژناما ئەڤرۆ کەفتیە و مەرجێن نووکرنا گرێبەستێن فەرمانبەران و تێدا ھاتیە:”نابیت ژیێ فەرمانبەری ژ 18 سالان کێمتر بیت، نووکرنا گرێبەستێ دێ ھەر ب ھەمان باوەرناما بیت و کار ب باوەرناما نوو ناھێتە کرن، ددەمێ فەرمانبەرێ گرێبەست دەستان ژ کارێ خوە بەرددەت، دبیت فەرمانبەرەکێ دی ل جھێ وی بھێتە دانان، لێ ب مەرجەکی ب ھەمان باوەرنامە و بسپۆری و بۆ مەستا ھەمان گرێبەستا ئێکێ بیت و ل رێکفتی 1ى كانوونا دويێ2017 و پێڤە چ ل جە دانان ناھێنە پەسەندکرن”.
ھەروەسا تێدا ھاتیە: “نابیت ڤەگوھاستنا راژێ بۆ چو فەرمانبەرێن گرێبەست بھێتە کرن، ژ بلی حالەتێن گرێبەستا ھەڤژیێ، لێ دڤێت رازیبوونا ھەردو دام و دەزگەھان، یا ژێ دھێتە ڤەگوھاستن و یا بۆ دھێتە ڤەگوھاستن، دیسا ب رازیبوونا رێڤەبەریا گشتی یا بودجێ و میلاکێن وەزارەتان بیت”.