وەزارەتا پەروەردێ ناھلیت پرۆگرامێ مایکروسوفت یێ نوو ل پەیمامگەھا کۆمپۆیتەری بھێتە خواندن
ئەڤرۆ نیوز:
ل دووڤ گۆتنا شارەزایێن زانستێ کۆمپیوتەری ل پارێزگەھێ، سازیێن پەروەردێ پووتە ب بابەتێ کۆمپیوتەری ناکەن و ب گرنگی دبینن ئەڤ بابەتە سالانە بھێتە خواندن. رێڤەبەرێ پەیمانگەھەکا کۆمپیوتەری ژی ئاشکراکر کو وەزارەتا پەروەردێ رێگرە ل ھەمبەر نووکرنا بابەتێن کۆمپیوتەری.
د. نەوزەت سادق ئەحمەد، سەرۆکێ پشکا کۆمپیوتەری ل زانکۆیا زاخۆ ئاشکراکر کو پشکا کۆمپیوتەری ل زانکۆیا زاخۆ ل سالا 2010 ھاتیە دانان، قوتابی ب رێیا زانکۆ لاین دھێنە وەرگرتن، ھندەک ل دووڤ حەزا خوە دھێنە وەرگرتن و ھندەک ل دووڤ نمران دھێنە وەرگرتن و بابەتێن دھێنە دانان ژلایێ بسپور و کەسانێن شارەزاڤە دھێنە دانان و ھەموو بابەتێن زانستی نە.
فەرید مەحمود رێڤەبەرێ پەیمانگەھا گارە یا کۆمپیوتەری یا ئەھلی ئاشکراکر کو کو ل سالا 2012 وەک ئێکەم پەیمانگەھا ئەھلی ل دھۆکێ ھاتیە ڤەکرن ل دەسپێکێ بۆ زانستێن کۆمپیوتەری، ل سالا 2014 پشکا گاز و پەترۆلێ ھاتیە ڤەکرن و 670 قوتابی تێدا دخوینن، دەرچوویێن پولا نەھێ وەرگرت و قوتابی ل دووڤ حەز و ڤیانێن خوە دھێتە وەرگرتن، سال بۆ سالێ قوتابی بەر ب زێدەبوونێ نە و ل دووڤ دیتنا جڤاتا پەیمانگەھا ل سەرانسەری کوردستانێ پەیمانگەھا گارە یا زانستێن کۆمپیوتەری ناڤ و دەنگیا خوە ھەیە و قوتابی یا حەزەکا زور ھەیە ل دەف مە بخوینن.
د. نەوزەت سادق ئەحمەد سەرۆکێ پشکا کۆمپیوتەری ل زانکۆیا زاخۆ، ھەمبەر ڤیانا قوتابیان بۆ زانێن کۆمپیوتەری گۆت: خەلکێ مە ژی ل گەل جیھانا ئەڤرۆ حەزا پێشکەفتنێ و خواندنێ و زانستێن کۆمپیوتەری ھەیە و ئەڤە بۆ حەزا قوتابیان دزڤریت، ھەر ل قوناغێن سەرتایی و دیسا قوتابی ھەنە دوورکەفتینە ژ خواندنێ و ئەڤە دەلیڤەکە بەردەوامیێ بدەنە خواندنا خوە.
فەرید مەحمود رێڤەبەرێ پەیمانگەھا گارە گۆت: پەیمانگەھێن ئەھلی و حکومی ھەمان سیستەمە و ب تنێ جوداھی ئەوە پەیمانگەھێن ئەھلی پتر گرنگیێ دەنە بیاڤێ پراکتیکی و تاقیگەھێن باش مە ھەنە و حکومی دبیت ئەڤە نەبیت.
د. نەوزەت سادق ئەحمەد سەرۆکێ پشکا کۆمپیوتەری ل زانکۆیا زاخۆ، ئاشکراکر کو سالانە ب رێژا 10% بابەتێن دھێنە خواندن ل پسکا ناڤبری دھێنە گوھورین و ئەڤە نە رێژەکا مەزنە.
فرید گۆت: پرۆگرامێن پەیمانگەھێن ئەھلی ژلایێ رێڤەبەریا پەیمانگەھا و مەشق کرنێ ڤە دھێنە دانان و ب ھاریکاریا وەزارەتا خواندنا بلند و ل دووڤ دا دھێنە رەوانەکرن و دیسا سەرپەرشت ژ رێڤەبەریا گشتی ل پەروەردێ سەرەدانا مە دکەن و رێنمایێن نوو دگەھینن، داخواز ژ وەزارەتا پەروەرێ دکەین پرۆگرامێن پەیمانگەھێن کۆمپیوتەری بھێنە ئابدێدکرن و ھەتا نوکە ویندوز حەفت ل پەیمانگەھا مە دھێتە خواندن، ئوفیس 2010 دھێتە خواندن و ئەڤە د دەمەکی دا ئەم یێ بەر ب 2017 دچین، سالا 2015 مە گرێبەست ل گەل کومپانیا مایکروسوفت ئیمزا کر کو ل دووڤ رێکەفتنێ سالانە مایکروسفتی بدەنە مە، مخابن ھەتا نوکە وەزارەتا پەروەردێ رازی نەبوویە وی پرۆگرامی بکاربینین و بدەینە ھەموو پەیمانگەھێن دی، چونکو وان پشکا پرۆگرامان ھەیە.
فەرید مەحمود رێڤەبەرێ پەیمانگەھا گارە یا کۆمپیوتەری ئەو چەندەژی ئاشکراکر، وەک پێدڤی قوناغێن ھەشتێ و نەھێ گرنگی ب بابەتێ کۆمپیوتەری نەھاتیە دان، پێدڤیە بابەت سالانە بھێتە نووکرن و دووڤچوون ل سەر مامۆستا ھەبیت و گرنگی ب بابەتی بھێتەدان وەک وانەکا ب ساناھی نەھێتەدیتن یان مامۆستا نە تایبەتمەندبیت.
زێدەتر دبێژیت: رازەمەندی ھاتیە ئەڤ سالە پشکەکا پەیمانگەھا خوە ل قەزا زاخۆ ڤەکەن و دیسا ب ژڤان ئەڤ سالە پشکا (IT) ل پەیمانگەھا گارە ل دھۆکێ ڤەکەن.
