وەزارەتا پەروەردەیێ بێهنڤەدانا مەها ئادارێ بۆ قوتابخانەیان ڕاگەهاند
وەزارەتا پەروەردەیا حوكمەتا هەرێما كوردستانێ بێهنڤەدانا مەها ئادارێ بۆ قوتابخانەیان راگەهاند و ئاشكرا كریە كو 13 رۆژ بێهنڤەدانە بۆ قوتابخانەیان.
وەزارەتا پەروەردەیێ دیار كریە، هەر ژ رۆژا 11/3/2024 هەتا 24/3/2024 بێهنڤەدانە بۆ قوتابخانەیێن سنوورێ هەردو پارێزگەهێن هەولێر و دهۆكێ، لێ ل سنوورێ پارێزگەهێن سلێمانیێ و هەلەبجە دێ دەوام یا ئاسایی بیت.
ئەڤە د دەمەكی دایە، بەری نوكە وەزارەتا پەروەردەیا حوكمەتا هەرێما كوردستانێ سالنامەیا خواندنێ بۆ سالا خواندنێ 2023 – 2024 بەلاڤكر بوو، تێدا ئاشكرا كربوو، ب تنێ رۆژێن 5 و 11 و 14 و 20 و 21 و 22 و 23/3/2024 بێهنڤەدانن ل قوتابخانەیان.
وەزارەتا پەروەردێ ڕاگەهاندیە ژی كو ئەزموونێن خۆلا ئێكێ یێن پۆلا 12ـێ ئامادەیی ل 23/6/2024 دێ دەستپێكەن هەتا 17/7/2024 و د هەر حەفتییەكێ دا دو ئەزموون دێ هێنە ئەنجامدان.
