وەزارەتا پەروەردەیێ بێهنڤەدانێن بهارێ كێمكرن
وەزارەتا پەروەردەیێ یا حوكمەتا هەرێما كوردستانێ سالنامەیا نوو بۆ سالا خواندنێ 2023 – 2024 بەلاڤكر و د وێ سالنامەیێ دا رۆژێن بێهنڤەدان و ئەزموون هاتینە دیاركرن و ب گشتی 164 رۆژ دەواما فەرمی نە.
ل دووڤ سالنامەیا وەزارەتا پەروەردەیێ سالا نوو یا خواندنێ دێ ل رۆژا 13/6/2023 دەستپێكەت هەتا رۆژا 23/5/2024 دێ یا بەردەوام بیت، دیسا رۆژێن شەمبی ژی بێهنڤەدانن ل هەمی ناڤەندێن خواندنێ.
دیسا ل دووڤ سالنامەیا نوو یا وەزارەتا پەروەردەیێ بێهنڤەدانێن بهارێ هاتینە كێمكرن، دیسا ژبلی رۆژێن ئەینی و شەمبی د مەها سێ دا ب تنێ پێنج رۆژ بێهنڤەدانێن فەرمی نە.
دیسا وەرزێ ئێكێ یێ خواندنێ وەكو د سالنامەیێ دا هاتیە دیاركرن 83 رۆژان دەوام دێ هێتە كرن، وەرزێ دویێ ژی 81 رۆژان دەوام دێ هێتە كرن، ئانكو ب گشتی 164 رۆژ د سالا نوو یا خواندنێ دا ل ناڤەندێن خواندنێ دەواما فەرمی نە.
